81Tiata, auk in aa muun dui ka elia: halas ni kit muik tulu agama, man in uhu dui deng tulu agama hmunan nua ngas son. Un na mo, Yesus. Un daad le kil bandu ne sorga, ne Ama Lamtua Allah in Lapa Dudui ka halin kanan na.aBuk in Naka-nahalit 110:1 2Nol Un kon lako-daek Un osa la ne Ama Lamtua Allah maan in kohe-kanas esa ka. Maan na ka, Ama Lamtua Allah esa man koet, mo atuli li lo.

3Tulu agama in lapa dui ngas taom kil in bele, nol hmukit in tunu-dadung le bel Ama Lamtua Allah. Tiata Yesus kon musti kil in bele taung Ama Lamtua Allah. 4Mo Yesus lako-daek Un osa la se apan-kloma ki lo. Undeng se apan-kloma kia lam, muik tulu agama man kil in bele, nol hmukit in tunu-dadung taung Ama Lamtua Allah son, muid upung Musa atorang nga. 5Oen lako-daek oen osa la son, se Hleep in Kohe-Kanas man tuladang nga el maan in kohe-kanas ne sorga kua ka. Ta dedeng upung Musa le koet Hleep na ka, Ama Lamtua Allah tek nuting un noan, “Nangan babanan! Ku musti daken babanan muid tuladang Auk in tulu bel ku son, se leten nu dapa ka!”bDehet in Puit deng Dale Mesir 25:40 6Mo Yesus osa la muun dui deng tulu agama tuladang blaan nas. Ta halas ni, Ama Lamtua Allah but in hida banan dui son. Un kon nini Yesus le daid hleten, le halin atuli li haup in dame nol Ama Lamtua Allah.

7Hmunan nu, Un but in hida nol upung Musa, se dedeng Un in niung atorang ngas sa. Mo ela kon no, atuli li nuil niu baktetebes muid atorang nas lo. Tiata oen haup in babanan nol Ama Lamtua Allah lo. Undeng na, halas ni parlu in hida man banan dui pait. 8Ta hmunan nu, Ama Lamtua Allah kaing Un atulin nas, undeng oen kaliut Un atorang blaan nas oe-oe son. Nikit Un tahang nal nol oen lo son kon, Un koon-mali le tekas noan,

13Oras Ama Lamtua aa noan, Un le but in hida balu nol one ka, nahin na noan, in hida blaan na, pake lo ka. Nol nesang lom in hida blaan na ilang.